Кожууннуң Хөй ниити Чөвүлелиниң ээлчеглиг хуралы апрель 19- та администрацияның хуралдаар залынга болуп эрткен.
Кожууннуң Хөй ниити Чөвүлелиниң ээлчеглиг хуралы апрель 19- та администрацияның хуралдаар залынга болуп эрткен. Хүн айтырыынга 3 айтырыгны сайгарып чугаалашкан: Өөредилге килдизиниң база төп эмнелгениң кадрлар талазы биле харыылаар специалистерниң ажылы, Көдээ ажыл - агый эргелелиниң часкы хову ажылдарынга белеткели болгаш өшкү төрүлдези, кыргылдазы.
Албан черлериниң кадр талазы биле ажылдаар специалистеринге өөредиглиг семинарларны эрттирери күзенчиг, кылып чорудуп турар ажылынга харыысалгалыг, сонуургалдыг болуру чугулазын айтып, документилерни шын долдуруп, үе шаанда четчелээрин, кожууннуң кадрлар талазы биле харыылаар специализи биле демниг ажылдаарын сүмелээн.
Часкы ажылдар болгаш өшкү кыргылдазы үе шаанда кылдынганын көдээ ажыл - агый эргелелиниң агроному Чечекпаа М. Э дыңнаткан. Кожууннуң шупту албан черлеринде кадрлар талазы биле ажылдап турар специалистериниң ажылын шыңгыы хыналдага алырын, ажылчыннарның болгаш ажылдакчыларның күш - ажыл дептерлерин шын долдуруп, Кызыл хоорайдан тускай специалистерни чалап, өөредиглиг семинарлар эрттирерин сүмелээн.