МАЛЧЫН КОДАННАРЖЕ УНУУШКУН
МАЛЧЫН КОДАННАРЖЕ УНУУШКУН
2021 чылдың январь 6-да Чаа-Хөл кожуунуң баштыны-төлээлекчилер хуралының даргазы Чамбал А.М., Булуң-Терек сумузунуң баштыны-төлээлекчилер хуралының даргазы Ойбаа А.Д., Чаа-Хөл кожуунуң көдээ ажыл-агый килдизиниң даргазы Салчак К.А., Булуң-Терек суурнуң эмнелгезиниң фельдшери Соскур-оол Ш.Н., Булуң-Терек сумузунуң мал эмчизи Сотпа Н.Ч., Булуң-Терек суурнуң "Аныяк өг-бүлеге Кыштаг" төлевилелиниң малчын коданнарынче үнүүшкүнү Чаа-Чылдың дыштаныр хонуктарын таварыштыр өртектиг белектерни үлеп, байыр чедирбишаан, чоруткан. Үнүүшкүнде малчын коданнарның мал-маганының деңгелин, кыштаглаашкын кайы хире эртип турарын, мал чеминиң курлавырларын, кыштагларда дыштанылгазын эртирип турар школа назылыг ажы-төлдүң даңзызын база малчыннарның кадыкшылын хынап, малчыннарның бо хүнде бергедээшкиннерин айтырып, шиитпирлээриниң оруктарын дилээн. 6 малчын коданда 8 щкола назылыг ажы-төл, 11 улуг улус бар болган. Корум чурум үрээшкиннери демдеглетинмээн. Кыштаглаашкын хур эртип турарын демдегледивис.
