Кичээнгейлиг болуңар! КУРТТУГ ШОКОЛАДТАР
Кичээнгейлиг болуңар!
КУРТТУГ ШОКОЛАДТАР
«Россхереглелхайгаарал» албанының Тыва Республикада эргелелиниң дыңнатканы-биле «Красноя шапочка» деп шоколадтыг конфеталарның ишти дириг курттар бар болганы-биле, оларны садарын чөпшээревейн турар. Бир хамаатының хомудалы-биле багай шынарлыг бараанны хынап көөрге, ону 2018 чылдың сентябрь 12 Москваның фабриказынга бүдүрген болган. «Сладкий мир» деп садыглардан, складтардан чаа чылдың чигирзиг белектерин садып алган улустар хереглекчилерниң эргелерин камгалаар дугайында хоойлуга дүүштүр оларны катап дужаап болур. Шоколадтыг, чигирзиг конфеталар кургаг шаашкак аарының чылдагааны болганда, бичии уругларга кургаг печенье тааржыр. Белектерниң хавы бүдүн бе, кадагалаар хуусаазы эртпээн бе деп хынап алгаш, садып алырын сүмелеп турар. Бир эвес чигирзиг белектерниң, бичии уруглар чемнериниң, идик-хептерниң, ойнаарактарның шынары чигзинчиг апарза, 5-26-04 телефонче долгаарын сагындырып турар!
