ЧУРАГАЙЛЫГ ТЕЛЕВИДЕНИЕНИ КӨРГҮЗҮП ЭГЕЛЭЭРИНГЕ ЧЕДИР САННЫГ ХОНУКТАР АРТЫ БЕЛЕН СИЛЕР БЕ?
ЧУРАГАЙЛЫГ ТЕЛЕВИДЕНИЕНИ КӨРГҮЗҮП ЭГЕЛЭЭРИНГЕ ЧЕДИР САННЫГ ХОНУКТАР АРТЫ
БЕЛЕН СИЛЕР БЕ?
2019 чылда Россияда телевидение дамчыдылгазының бөдүүн (аналоговый) каналдарын өжүргеш, чурагайлыг телевидение-биле солуурун планнап турар. Чурттуң шупту чурттакчылыг черлеринге федералдыг 20 телеканалды халас көргүзүп эгелээр.
Тыва база чурагайлыг теледамчыдылгаже ИЮНЬ 3-те 2019ч. шилчиир.
Ынчангаш телевизор чурагайлыг медээни хүлээп алыр бе азы хүлээп албайн турар бе деп чүүлдү баш бурунгаар тодарадып билип алыры чугула.
Бир эвес телевизорну көрүп туруңарда экранда «Бирги канал», «Россия 1», «НТВ», «5 канал», «РЕН ТВ» болгаш «СТС» каналдарның логотивиниң - тускай демдээниң чанында «А» деп демдек бар болза, телевизорда бөдүүн (аналоговый) телевидениени көргүзүп турар боор. А бир эвес «А» демдек чок болза, телевизор чурагайлыг теледамчыдылгада коштунган болур (азы спутник антенназы бар, чок болза кабельдиг телевидениеде коштунган).
Телевизордан база хамааржыр:
- амгы үениң чаа телевизорлары. DVB-T2 хемчээлдиг амгы үениң чаа телевизорларын чурагайлыг дамчыдылга хевиринче шилчидерде, иштики-даа, даштыкы-даа антеннаны кожуп алырга-ла чедер;
- эрги телевизорлар. Эрги телевизорларга антеннадан аңгыда, DVB-T2 деп адаар тускай херексел (приставка) херек боор. Ооң өртээ Кызыл хоорайның садыгларында 899 рубльден өрү болур.
Чурагайлыг эфирлиг дамчыдылгага коштунуп алыр дугайында айтырыглар тургустунуп келзе, 8-800-220-2002 дугаарлыг дүн-хүн чок ажылдаар, халас «изиг шугум» телефонун таварыштыр айтырыыңар салып болур силер.
