Эрги чылдың эртип турар хай-бачыттың,аарыг-аржыын арыглаары биле Чаа-Хөл кожууннуң Авыда бурганның өөредилге ораны аттыг хүрээвиске Февраль 3-те эртенги үеден 12:00шакка чедир белеткениир
Амыр-менди эргим хүндүлүг чонум! Эрги чылдың эртип турар хай-бачыттың,аарыг-аржыын арыглаары биле Чаа-Хөл кожууннуң Авыда бурганның өөредилге ораны аттыг хүрээвиске Февраль 3-те эртенги үеден 12:00шакка чедир белеткениир.12:00шакта 15:00 шакта "Сор езулалы"ному болур хүрээге. Дугжууба (арыглаашкын езулалы) болгаш «Сор чалаары» 17:00шакта өртедиир
Шагаа бетинде ай санаашкыны-биле айның 29-та (февраль 3-те) азы Шагаа хүнүнге чедир бир хонук бурунгаар хүрээге лама башкылар Дугжууба деп арыглаашкын езулалын кылып эгелээр, кежээ «Сор чалаары» деп езулалды кылыры кирип турар. Ол эң-не чараш болгаш онзагай езулалдар-дыр, Дугжууба дээрге тибеттеп нүгүлдуң, хай-бачыттың янзы-бүрү алдан ажыг хевирлерин үндүрер ужурлуг багай чүктеринче оларны үндүрери дээн уткалыг, кижи ону кылдырткан соонда, чаа келир чылда чиик-чаагай, чоруу чогунгур, бай-шыдалы эки, аас-кежиктиг, оожум, тайбың сеткилдиг боор. Аңаа кээр бетинде чүдүкчүлер бажыңынга тудуп каан чиг далган азы тыва арбай далганны биле мага-бодун дүрбүп тургаш, арыглап алыр ужурлуг. Далган тудуп алырда чүгле далган биле арыг суг ажыглаар, оон өске чүнү-даа холуп болбас. Мага-бодун ол далган-биле арыглай чүлгээн соонда, ылаңгыя аарып турар черлерин эки чүлгүүр, ол далган-биле кижи хевири тудуп алыр, ол кижи дүрзүзүнче хамык-ла аарыгларын, хай-бачыдын, чидириглиг халактаашкыннарын, улустуң аас-дылдыг каргыш-чатказын киирип, сиңирип каар. Оон ол далганны Сор ёрзулалынче ап алыр. Чонну буянныг уулеже кыйгырдывыс!
Сүлдем Чамзы,Сонам (Чингис) Башкы.
