Чаа-Хөл кожууннуң Авыда бурганның өөредилге оранының хүрээзинде январь-13-тен тура 8 ак меңгилиг, чер олуттуг сарыг шинчилиг хаван чылының Шагаазы таварыштыр номналдар болуп эгелээн.
Чаа-Хөл кожууннуң Авыда бурганның өөредилге оранының хүрээзинде январь-13-тен тура 8 ак меңгилиг, чер олуттуг сарыг шинчилиг хаван чылының Шагаазы таварыштыр номналдар болуп эгелээн.
Бөгүн, январь-14-те хүрээде номналдың - Ай санаашкынының 8 чаазы - Ногаан Дарийги - Бурганның хүнү!
Номналга үезинде Сонам башкы Алдын-Херел судурун тайылбырлаан. Алдын-Херел судурун номчудуп турар ужур-утказы Тыва чер чуртувуста ажыг-суксуннуң хайында, кем-херек адаанче кирип чоруур кижилерниң саны көвүдеп турары-биле, ону чавырылдырып, оожуктуруп эрттирип турар. Башкының чугаалап турары-биле Алдын-Херел судуру кем-херек үүлгедиишкиннерин чавырылдырар болуп турар.
Алдын-Херел судуру (хай-бачыттан, аас-дылдан, каргыш-чаткадан, озал-ондактан, бойдустуң халаптарындан камгалаар).
Ногаан Дарийги - Дрөлжаң
Тариназы: ОМ ТАРЕ ТУТАРЕ ТУРЕ СОХА
Ногаан Дарийгини бүгү-ле амылыгларның авазы кылдыр хүлээп турар. Чүге дээрге ол амылыгларның дөгерезинге, бодунуң төлүнге дег, ынак, Улуг Энерелдиг. Ол Будда Бурганның идекпейлиг илерели, чаяалгазы (аспект активности Будды). Ногаан Дарийги бөдүүн херээжен кижи турган. Сарыг Шажынның Өөредиин шиңгээдип, боттандырып чорааш, Чырыткылыг Будда деңнелинге четкен. "Бүгү-ле амылыглар шуптузу Чырыткылыг байдалга четпээн шаанда, Чыргалаңче чортпас мен", - деп даңгыраглаан. Оон эгелээш, амылыгларга кезээде дузалап чоруур. Ооң эң кол шынары - дүрген дуза херек байдалда дузаны албан чедирип чорууру. Ооң бир буду олудундан шала бадып келген дээрге-ле: "Дуза хереглээн амылыгларга дораан дузалаайн!" - деп даңгырак бергенин демдеглеп турар. Ногаан Дарийгиниң тариназы чуртталгада шаптараазыннарны арыглаар, каргыш-чатка, багай дүштерден камгалаар.
#Чаахолкожуун #Шагаа2019 #Номнал
