Чаа-Хөл коҗуунуң девискээринде тараа аймааның аҗаалдазы кидин түлүк чоруп турар.
Чаа-Хөл коҗуунуң девискээринде тараа аймааның аҗаалдазы кидин түлүк чоруп турар. Бо хүнде бүгү коҗуунда тараа аҗаалдазын үе шаанда кааң аяс хүннерни аҗыглап, шынарлыг доозар сорулга-биле 4 комбайн, 8 трактор, 2 пресс-подборшик, тараа сөөртүүрү-биле хаара туткан 4 камаз, 9 ГАЗ-53 база ниитизи-биле 76 киҗини хаара тудуп, тура дүшпейн аҗылдап турар. Ниити коҗуунда тараа аҗаалдазының планы бо хүнүң байдалы-биле 71 хууда чоруп турар. Тарааҗылар тарааны октябрь-15-ке чедир доозар планныг шудургу ажылдап турарлар. Бо чыл үзүктел чок чаьс чайыктыг эки дүҗүткүр чыл болганы-биле коҗуунда тарааның дүҗүдү ортумаа-биле 1 гадан 25-27 центнер чедип турар. Коҗуунуң тарааҗыларында кол бергедээшкин тараа дүҗүдүн садып сайгарары болуп турар. «Адыш тараа аал ишти тоттурар, Чаңгыс тараа чамбы-дипти тоттурар» деп тыва чоннуң үлегер домаанда ханы утка бар. Дараазында чуруктар бадыткап тур!
